| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 23.51 | Dem. 23.53 (English) | >>Dem. 23.56 |
23.52οὐκ ἔξεστι δὲ ποῖ ; ἐξ ἧς ἂν φεύγῃ τις πόλεως . ποῦ καὶ σφόδρα τοῦτο δηλοῖ ; “ἐάν τις κατίῃ ” φησί . τοῦτο δʼ οὐκ ἔστʼ ἐπενεγκεῖν ἄλλῃ πόλει πλὴν ἣν ἂν φεύγῃ τις · ὅθεν γὰρ μηδʼ ἐξέπεσέν τις τὴν ἀρχήν , οὐκ ἔνι δήπου κατελθεῖν εἰς ταύτην . ὁ μὲν τοίνυν νόμος ἔνδειξιν δέδωκεν , καὶ ταύτην , “ἂν κατίῃ ὅποι μὴ ἔξεστιν ·” ὁ δὲ “ἀγώγιμος ἔστω ” γέγραφεν κἀντεῦθεν , ὅποι φεύγειν οὐδεὶς κωλύει νόμος .
λέγʼ ἄλλον νόμον .καίτοι σκέψασθʼ ὡς ὁσίως καὶ καλῶς ἕκαστα διεῖλεν ὁ ταῦτʼ ἐξ ἀρχῆς διελών . ἄν τις ἐν ἄθλοις ἀποκτείνῃ τινά , τοῦτον ὥρισεν οὐκ ἀδικεῖν . διὰ τί ; οὐ τὸ συμβὰν ἐσκέψατο , ἀλλὰ τὴν τοῦ δεδρακότος διάνοιαν . ἔστι δʼ αὕτη τίς ; ζῶντα νικῆσαι καὶ οὐκ ἀποκτεῖναι . εἰ δʼ ἐκεῖνος ἀσθενέστερος ἦν τὸν ὑπὲρ τῆς νίκης ἐνεγκεῖν πόνον , ἑαυτῷ τοῦ πάθους αἴτιον ἡγήσατο , διὸ τιμωρίαν οὐκ ἔδωκεν ὑπὲρ αὐτοῦ .
23.53
Νόμος
ἐάν τις ἀποκτείνῃ ἐν ἄθλοις ἄκων ,ἢ ἐν ὁδῷ καθελὼν ἢ ἐν πολέμῳ ἀγνοήσας ,ἢ ἐπὶ δάμαρτι ἢ ἐπὶ μητρὶ ἢ ἐπʼ ἀδελφῇ ἢ ἐπὶ θυγατρί ,ἢ ἐπὶ παλλακῇ ἣν ἂν ἐπʼ ἐλευθέροις παισὶν ἔχῃ ,τούτων ἕνεκα μὴ φεύγειν κτείναντα .
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 23.51 | Dem. 23.53 (English) | >>Dem. 23.56 |
